Animateur-Bloggen

Waassermeloun problemlos iessen

Léiw Elteren: Wéi bréngt der aer Kanner dozou Waassermeloun z'iessen ouni iwwerall Dreck am Häus ze maachen? Hei d'Léisung:

Dem Ben säi WM Blog

vum 24.06.2010

Normalerweis steet säin Stiermerkolleg Fernando Torres am Fokus vun der Ëffentlechkeet och bei der WM, mais ech widmen mech a ménger kuerzer Zäit am Blog engem anerem. Dem 23 jähregen Jesus Navas. D’Spuenier déi bis elo nach net grouss geglënnert hunn op der WM, hun een an hire Reien dee relativ wäit aus der Roll fällt: de Jesus Navas leit nämlech ënnert chroneschem Verlaangeren un doheem. Kléngt komesch, ass awer vun Dokteren festgestallt ginn. Panikattacken, Schweessausbrech, Angschtzoustänn, alles dat huet en heemgesicht wann en sech ausserhalb vu sénger gewinnter Géigend befonnt huet. Säi Veräin den FC Sevilla huet misste bei Auswäertsmatcher mam Bus ëmmer déi selwecht Streck fueren vir dass de Jesus sech gutt fillt. Mais wat ass säin Doheem? Los Palacios, eng kleng Stad am Süden vu Sevilla. Do wunne séng Famill, séng Frënn, hei fillt en sech gutt, an opwuel en Milliounen verdéngt, wunnt en nach bei séngen Elteren. Wéinst sénger Kränkt ass en als Jugendlechen aus engem Trainingslager fortgelaf, huet bis elo Offeren vu Real Madrid a Barcelona ausgeschloen, well e gelt als ee vun de beschte Spiller an enger vun de beschte Ligen. Lo ass e geheelt, an den spueneschen Nationaltrainer huet net gezéckt en doropshin direkt an d’Equipe ze ruffen. Säi Club an och séng nei Matspiller an der Nationalequipe hëllefen dem Jesus Navas wou et nëmme geet, awer dee schéinste Geste koum vun de Fans bei séngem 1.Lännermatch zu Madrid. Bei sénger Awiesslung gouf et Standing Ovations.

Dem Ben säi WM Blog

vum 17.06.2010

En Densden Owend war dee Match, op deen sech d’Fussballwelt schon eng Zäitchen gefreet huet awer zugläich och sech gefrot huet: Wéi wäerten se spillen. D’Brasilianer, d’Sambakicker souwisou, mais och d’Nordkoreaner. De Star vun nordkoreaneschen Nonames huet bei der Nationalhymn gekrasch, dat huet gewonnert awer nach méi de Match a säi Resultat. 2-1…gewënnt d’Weltsélectioun äus Südamerika…nëmmen, géint eng asiatesch Diktatur..Egal, d’Nordkoreaner hu geschafft. Mais wou waren d’Brasilianer. Den 1.Goal, gi mer zou, war schéin. Mais de Räscht. Vill Leit, virun allem Kritiker, ginn dem aktuellen Nationaltrainer dem Carlos Dunga hei d’Schold. Den Dunga well Resultater, keng Ästhetik, schon als Spiller war hien der Meenung dass Fussball en Handwierk ass…keng Konscht.  Heen huet déi brasilianesch Sambafussballer, mat vir op dem Robinho soen mer mol erzunn. Mais wëlle mer dat? Also, ech net…ech well gär duerchdriwwen Brasilianer gesinn, net déi di erzunn sinn, well duerchdriwwen, spilleresch frech, kënschtleresch si se am beschten. Bon vläit si se mat sou Zauberer an de fréieren Joeren nie Weltmeeschter ginn, et denkt een un eng Ära vum Zico oder dem Socrates zeréck, déi Brasilianer déi Weltmeeschter gi sinn sinn d’Schaffpäerd, zum Beispill 1994, wou och en Dunga an der Equipe war. Keng Futbol Arte, dofir Effizienz. Mais lo éierlech, wëlle mer léiwer Brasilianer gesinn zauberen oder gewannen? Gutt Fro, oder?

Schland oh Schland

vun Uwu Lena

Hei de Videoclip zum coolen Satelite-Cover speziell vir d'WM

Dem Ben säi WM Blog

vum 10.06.2010

Haut léif Leit kucke mer op wat mer eis kennen vu muer un freeën, Erëm op grouss Gesten beim Fussball, virun allem wann e Goal fällt. Huele mer mol déi tippechsten mat duerch. Hand op d’Häerz, mat dee Geste iwwerhaapt, bréngt de Goalgetter e besse méi no e grousse Staatsmann ze ginn, e Feldhär an der Schluecht. Importéiert aus dem Zirkus Manege kennen mer de klassesche Salto oder neierdéngs och de Flic Flac. Hei gëtt et en héijen l’Art pour l’art facteur bréngt awer och de Verletzungsrisiko an d’Luucht. Schéisst een e Goal, leet duerno säin Hand un d’Ouer well en d’Fans héieren blären. Héije Magie Facteur, verwandelt nämlech d’Ouer an en Triichter deen d’Gebläers vun de Fans asammelt, bündelt an als kräfteg Substanz duerch de ganze Kierper aféiert. E Klassiker ass och d’Rudelbildung no engem Goal deen eis weist: Fussball ass en Equipesport. Den Diver ass cool, dee well Fussball e bëssen als Funsportaart presentéieren, am beschten op naassem Buedem ze praktizéieren. Wann een e Goal schéisst kann et och mol vir kommen dass dësen säin Index an den Himmel weist. Héijen Paschtouer Facteur. Ignoréiert komplett Fans, séng Matspiller oder den Trainer mais féiert en ennerlechen Dialog mat enger méi héijer Muecht. De Cornerfändel kann een och no engem Goal erausrappen. Dës Praktik gouf aus dem mëttelalterlechen Turnéierwiesen importéiert. Et gëtt awer och deen deen no sengem Goal viru senge Mannschaftskollegen fortleeft, natierlech alles inszenéiert a gesäit relativ blöd aus. Dee leschte Geste an eisem Blog ass ddann kee wann een e Goal schéisst mais wwann sech der 2 an d’Hoer kréien. Stir u Stir. Héijen John-Wayne-Facteur mat engem symboleschen Duell, et geet meeschtens net méi wäit, äusser et heescht een Zinédine Zidane a Marco Matterazzi.